Charter Document - 05190661
| Charter Number: | 05190661 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1271 |
| Date type: | Internal, A.D., Episcopal |
| Resource Link(s): |
|
Charter:
In Dei nomine amen Nos Rogerus permissione divina Coventr et Lich diocesis episcopus vicariam de Suttona iuxta Brug taliter duximus ordinandum videlicet quod vicarius qui pro tempore fuerit habeat mansum competentem in solo ecclesiastico cum una dimidia virgata terre omnimoda mortuaria decimam feni de Sutton et Hadynton decimam lane agnorum porcellorum pullorum vitulorum albi mellis aucarum pomorum pannagii item totam decimam omnium ortorum et croftorum pede cultorum Percipiat idem vicarius omnes oblationes et obventiones ad altare qualitercumque provenientes item decimam pischarie totius parochie item decimam molendinorum totius parochie item decimam de bosco vendito infra parochiam item decimam lini et canabi Ordinamus insuper quod vicarius qui pro tempore fuerit prefate ecclesie et parochianis eiusdem in divinis officiis suis sumptibus congrue faciat ministrari Cetera vero onera sive ordinaria sive extraordinaria eidem ecclesie qualitercumque incumbentia dicte ecclesie rectores subeant et agnoscant Dat quinto die Martii anno Domini millesimo CCLXX et nostre consecrationis anno octavo