Charter Document - 05190660
| Charter Number: | 05190660 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1258 |
| Date type: | Internal, A.D., Calendar |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Rogerus miseratione divina Coventr et Lich ecclesiarum minister humilis salutem in Domino sempiternam Ex inspexione instrumentorum Galfridi et Alexandri episcoporum predecessorum nostrorum intelleximus eosdem de Sutton de Lopinton ecclesias cum suis pertinentiis necnon et capellam de Uppiton cum pertinentiis suis dilectis in Cristo filiis priori et conventui de Wombrug in proprios usus perpetuo possidendas concessisse Nos igitur eorundem prioris et conventus in religionis observantia devotionem attendentes ac ipsorum indigentiam compassionis oculo considerantes predictorum antecessorum nostrorum concessiones in hac parte ratas et gratas habentes ipsas pontificali auctoritate duximus confirmandas salvis nobis et successoribus nostris in eisdem iure pontificali et parochiali et Covent et Lich ecclesiarum dignitate Ut autem hec nostra confirmatio futuris temporibus rata permaneat et inconcussa ipsam sigilli nostri appositione et scripture presentis munimine roboramus Valete Dat v kalendas Ianuarii anno Domini MCCLVIII