Charter Document - 05190649

Universis [] frater Robertus prior monasterii de Kenell et eiusdem loci conventus ordinis sancti Augustini Coventr et Lich diocesis salutem in omnium salvatore Ad universitatis vestre notitiam tenore presentium volumus pervenire quod cum inter nos et religiosos viros fratrem Iohannem priorem de Stanes et eiusdem loci conventum ordinis et diocesis predictorum orta fuisset aliquotiens multiplex questionis materia super iure subiectionis omnimodi quam nos in prefatum prioratum de Stanes tanquam in cellam simplicem habere pretenderamus religiosis eisdem subiectione huiusmodi per quandam submissionem partium et ordinationem auctoritate diocesana super hoc subsecutam ac per Coventr et Lich ecclesiarum capitula et demum per sedem apostolicam ex certa scientia confirmatam exceptis dumtaxat certis articulis in ordinatione huiusmodi reservatis asserentibus se totaliter exemptos et super viribus subiectionis et exemptionis huiusmodi motis et agitatis diutius tam in curia Cantuar quam coram iudicibus delegatis inter nos diversis litibus et querelis tandem sentientes nos et monasteria nostra hinc inde in huiusmodi litium prosecutione gravatos cupientes etiam ut litium amputatis ambagibus per viam pacis et concordie super hiis nobis nostraque domui consulatur super ipsius rei geste veritate nunc plenius et melius informati veritatem omnimodam de premissis tenore presentium confitemur videlicet quod dicta ordinatio de consensu et voluntate expressa priorum et conventuum utriusque monasterii antedicti rite et legitime quoad omnia in dicta ordinatione contenta processerat et ipsa ordinatio per priores et conventus utriusque monasterii diutius inconcusse et inviolabiliter servabatur quodque per ordinationem eandem prioratus de Stanes predictus ab omni subiectione prefati prioratus nostri de Kenell exceptis dumtaxat certis articulis in ipsa ordinatione contentis liber et exemptus omnino extitit et existit propter quod nos veritatem ipsam melius et plenius attendentes ab omni prosecutione causarum et litium quas contra dictos religiosos de Stanes ut premittitur super eorundem subiectione movimus ex toto desistimus et promittimus nos velle desistere penitus infuturis et eisdem litibus ac earum persecutioni necnon et omnibus impetrationibus super hiis factis ac aliis quibuscumque contra ordinationem premissam qualitercumque inposterum faciendis ipsorumque omnibus viribus et effectibus pure sponte deliberate et absolute renuntiamus per presentes dictamque ordinationem salvis certis articulis infrascriptis pro nobis et successoribus nostris imperpetuum omologamus ratificamus et acceptamus Electionem insuper de fratre Iohanne Taney post resignationem fratris Rogeri quondam prioris dicte domus de Stanes per canonicos eiusdem factam ipsiusque electi confirmationem institutionem et in corporalem possessionem inductionem et quecumque virtute ordinationis et electionis antedicte fuerint subsecuta ratificamus et acceptamus expresse et fatemur per presentes eadem omnia rite et legitime in omnibus processisse Sane quia premissis nequaquam obstantibus super articulis subiectionem contingentibus in ordinationem sepedictam inter nos et religiosos de Stanes prefatos reservatis per machinosas industrias possent processu temporis de facto saltem lites et contentiones oriri per quas nostra et ipsorum tranquillitas perturbaretur nobisque et ipsis ac monasteriis nostris dampna gravia exinde forsitan provenirent nos prior et conventus de Kenell pretacti iuri visitandi ex dicta ordinatione huiusmodi in prioratu de Stanes antedicto et percipiendi procurationem de eodem ac habendi duos canonicos in electione de priore de Stanes facienda et omnibus subiectionum articulis seu capitulis nobis in ordinatione premissa ut superius tangitur reservatis omnique iuri subiectionis quod nobis aut nostris successoribus in prefato prioratu de Stanes competit aut posset quoquomodo competere pure sponte deliberate et absolute renuntiamus tenore presentium litterarum excepto dumtaxat iure patronatus quod in prioratu de Stanes retinemus Ita videlicet quod custos per nos tempore vacationis prioratus eiusdem inibi deputandus nullam omnino alienationem destructionem aut consumptionem de bonis aliquibus domus de Stanes predicte per se vel per alium faciat aut nos etiam per aliquem nostro nomine fieri permittamus sed custodia contenti erimus sicut in ordinatione supradicta plenius continetur Quoad alios vero articulos quoscumque subiectionem contingentes volumus et expresse concedimus pro nobis et successoribus nostris quod prioratus de Stanes ita liber et exemptus inperpetuum existat salvo nobis dumtaxat patronatu predicto sicut prioratus de Trentham a nobis liber et exemptus existit vel alius etiam prioratus liberrimus ubicumque Omnia siquidem instrumenta nobis et religiosis pretactis communia penes nos residentia nos per aliquem de nostris sumptibus eorundem religiosorum quotiens in causis vel negotiis quibuscumque indiguerint exhibere fideliter faciemus pro expeditione negotiorum et causarum huiusmodi quando et quotiens ipsis visum fuerit oportunum eorundem omnium instrumentorum transcripto sub sigillo nostro eisdem religiosis de Stanes tradito et dimisso quod si cartas vel instrumenta huiusmodi exhiberi minime fecimus [] continetur congrue requisiti ad dampna omnia reservanda integraliter que ipsi religiosi de Stanes eo pretextu incurrerint teneri volumus et ad hoc nos pro nobis et successoribus nostris firmiter et bona fide tenore presentium obligamus procuratoris eorum iuramento loco probationis et non aliter declarando Instrumenta vero propria dicti prioratus de Stanes que nos aut monasterium nostrum non tangunt que tamen penes nos resident religiosis ipsis tradere et restituere sine mora promittimus Penes eos perpetuo morantur Et si contingat quod absit nos et successores nostros infuturum subiectionem aliquam contra tenorem presentium petere seu huic renuntiationi prout superius continetur expresse vel tacite per nos alium aut alios nobis procurantibus vel ratum habentibus in aliquo contraire nos de dampnis et expensis que et quas dicti religiosi de Stanes ea occasione sustinuerint aut fecerint iuramento procuratoris eorundem et duorum canonicorum domus predicte habentium ad hoc speciale mandatum sine alterius probationis onere declarandis eisdem religiosis de Stanes satisfaciemus competenter rata nichilominus manente in omnibus suis articulis compositione antedicta ad premissa vero omnia et singula sine fraude et dolo et omni cavillatione fideliter inperpetuum observanda Ego prefatus frater Robertus prior de Kenell pro me et successoribus meis et conventu eiusdem monasterii per procuratorem ad id speciale mandatum habentem in animas omnium et singulorum ipsorum iuravimus et procuratorium predictum penes religiosos de Stanes ad rei geste memoriam remanebit et volumus penes eos ipsum inperpetuum remanere etiam et concedimus quod in causa inter nos et religiosos predictos coram delegatis iudicibus inchoata hec superius expressa per sententiam diffinitivam iudicialiter approbentur Et per curiam Cantuariensem prout ipsis religiosis securius et tutius videbitur per sententiam similiter confirmentur Et ut hec omnia firmius inperpetuum roborentur pars dictorum prioris et conventus de Kenell a nobis Rogero permissione divina Coventr et Lich episcopo humiliter postulavit ut renuntiationi conventioni seu compositioni presentibus nostrum prebentes assensum renuntiationem conventionem et compositonem eandem auctoritate diocesana ratificare et confirmare ac ipsos ad observationem compositionis et conventionis eiusdem in omnibus condempnare et ad id canonice cohercere paterna solicitudine curaremus Nos igitur ipsorum religiororum de Kenell in hac parte devotis precibus annuentes procuratore eorundem prioris et conventus premissa omnia et singula confitente legitime coram nobis conventionem renuntiationem et compositionem eandem ratam habentes eidemque auctoritatem et consensum prebentes eam auctoritate pontificali tenore presentium confirmamus Nolentes ordinationem supradictam alias inter dictos religiosos de Kenell et de Stanes per nos factam quoad libertatem et immunitatem monasterii de Stanes in aliquo infirmare sed ad eandem addere et supplere ut quoad articulos in ordinatione huiusmodi reservatos dicti religiosi de Stanes liberi totaliter et exempti remaneant iure patronatus dumtaxat excepto sicut superius est expressum ipsos priorem et conventum de Kenell in personam procuratoris eorundem et procuratorem ipsorum eorum nomine ad observationem renuntiationis conventionis seu compositionis predicti iudicialiter condempnamus et religiosos ipsos et eorum successores ad observationem eiusdem fore decernimus per censuram ecclesiasticam compellendos ipsosque religiosos de Kenell per presentes monemus primo secundo tertio ut compositionem eandem conventionem et renuntiationem in omnibus suis articulis ut premittitur firmiter observent et quantum in eos est faciant inviolabiliter obervari sub pena excommunicationis maioris quam in contravenientes quocumque modo clam vel palam quacumque arte fraude vel ingenio ex nunc ut ex tunc proferimus in his scriptis Pars vero eorundem religiosorum hiis omnibus expresse suum prebuit assensum promittens nichilominus sub iuramenti debito bona fide quod compositionem et conventionem presentem ac premissa omnia prout superius continentur per capitula Coventr et Liche ecclesiarum quam citius poterunt confirmari pro suis viribus procurabit Renuntiant etiam dicti religiosi de Kenell pro se et suis successoribus et in nostra presentia manifeste omni fori privilegio consuetudinibus statutis omnibus litteris indulgentiis seu privilegiis a sede apostolica impetratis et imposterum impetrandis in integrum restitutionis beneficio omni exceptioni cavillationi regis prohibitioni et omni iuris remedio canonici et civilis per que hec presens compositio conventio et renuntiatio impediri posset ali qualiter vel infringi []