Charter Document - 05190645
| Charter Number: | 05190645 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1295 |
| Date type: | Internal, Episcopal, Feast |
| Resource Link(s): |
|
Charter:
Rogerus permissione divina Coventr et Lich episcopus dilectis in Cristo filiis magistris Ricardo Walerant et H de Merseton officiali domini archidiaconi Cestr salutem gratiam et benedictionem Cum religiosi viri abbas et conventus de Stanl ordinis Cisterciensis Iohannem de Whalleye prebyterum ut asseritur nobis ad vicariam de Whall presentaverint ac vicaria ipsa non sit adhuc in certis portionibus ordinata vobis coniunctim et divisim committimus et mandamus firmiter iniungentes quatenus per viros fidedignos clericos et laicos inquisitionem diligentem legitime faciatis super portionibus vicario predicto futuris temporibus assignandis ex quibus vicarius qui pro tempore fuerit honeste possit et congrue sustentari et onera incumbentia supportare ac etiam in quibus portionibus competentius vicaria consistere valeat antedicta et quod mansum habeat competentem Et qualiter presens mandatum fueritis executi nos distincte et aperte certificetis per vestras litteras patentes que harum seriem representent Valete Dat apud Crok die sancti Nicholai anno consecrationis nostre tricesimo octavo