Charter Document - 05190641
| Charter Number: | 05190641 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1285 |
| Date type: | Internal, A.D., Episcopal |
| Resource Link(s): |
|
Charter:
Omnibus sancte matris ecclesie filiis hoc scriptum visuris vel audituris Rogerus miseratione divina Coventr et Lich episcopus salutem in Domino De Dei omnipotentis misericordia beate Marie virginis beatorum apostolorum Petri et Pauli beati Cedde episcopi necnon omnium sanctorum meritis et precibus confidentes omnibus nobis iure diocesano subiectis et aliis quorum diocesani hanc nostram ratam habuerint indulgentiam vere contritis et confessis peccataque sua dimittentibus qui ad ecclesiam conventualem loci benedicti de Stanlawe nostre diocesis causa devotionis accesserint et aliquo die quo secundum illius ordinis formam habetur sermo in capitulo coram fratribus ad familiam et ad populum verbum Dei audierint pia intentione quindecim dies de iniuncta eis penitentia mesericorditer relaxamus aliorum quorumcunque episcoporum catholicorum indulgentias in hac parte concessas et inposterum concedendas ratificantes pariter et confirmantes In cuius rei testimonium ad instantiam et requisitionem dilecti filii fratris Ade de Soyk dicti loci monachi presentibus sigillum nostrum fecimus apponi Dat apud Prees quinto idus Decembris anno Domini millesimo ducentesimo octagesimo quinto et consecrationis nostre vicesimo octavo