Charter Document - 05190638
| Charter Number: | 05190638 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1277 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis Cristi fidelibus ad quos presentes littere pervenerint Rogerus Dei gratia Coventr et Lich episcopus salutem in omnium salvatore Noverit universitas vestra quod super augmentationem vicariarum de Blakeburn Rachedal et Eccles faciendam iuxta proventus et facultates dictarum ecclesiarum debita inquisitione prehabita et diligenti sic de vicariis ipsis statuendum duximus et ordinandum perpetuo tempore duraturis In nomine Domini Amen Statuimus et ordinamus quod vicaria de Blak consistat in competenti manso vicario in eadem ecclesia servienti prius assignato duabus bovatis quadraginta marcis vicario qui pro tempore fuerit ab abbate et conventu loci benedicti de Stanl in eadem parochia de Blak ad festum sancti Michaelis et Pasche per equales portiones fideliter persolvendis Statuimus etiam et ordinamus quod vicaria de Rached consistat in competenti manso quatuor bovatis terre decem et octo marcis et vicaria de Eccles in competenti manso vicario ibidem servienti prius assignato tota terra quam vicarius in dicta ecclesia serviens prius habuit et sexdecim marcis in eisdem ecclesiis vicariis qui pro tempore fuerint a predictis abbate et conventu modo et terminis antedictis absque difficultate qualilibet persolvendis Statuimus etiam et ordinamus quod si in solutione alicuius termini sit cessatum episcopus Coventr et Lich vel archidiaconus Cestr quivis aditus fuerit eorundem ad requisitionem vicarii loci per censuram ecclesiasticam possit compellere dictos abbatem et conventum ad plenam solutionem prout planius et melius viderit expedire Statuimus etiam quod dicti vicarii in dictis ecclesiis in propriis personis deserviant nisi iuxta latus nostrorum successorumve nostrorum vel alias legitime fuerint impediti et tunc alios ydoneos sacerdotes invenient loco sui et etaim omni tempore sumptibus suis In capellis predictis ecclesiis pertinentibus per alios ydoneos sacerdotes et clericos sacramentum fidelitatis dictis religiosis prestituros honeste facient deserviri Qui quidem vicarii iura episcopalia et archidiaconalia et omnia onera ordinaria debita et consueta sustinebunt et de extraordinariis pro rata portionum suarum in omnibus respondebunt quos etiam dicti abbas et conventus nobis et successoribus nostris successive cum vacaverint presentabunt Ut autem hec nostra taxatio et ordinatio rata imperpetuum permaneat et inconcussa presens scriptum sigilli nostri munimine duximus roborandum Hiis testibus domino Rogero priore de Norton magistris Ada de Staunford archidiacono Cestr Alano dicto le Breton thesaurario Lich Ada de Walton cancellario Lich I de Craven decano Cestr domino Willelmo dicto le Povere milite magistro Roberto de Sauthorp et aliis Dat apud Heywod xiiii kalendas Maii anno Domini MCC septuagesimo septimo et consecrationis nostre anno xx