Charter Document - 05190637
| Charter Number: | 05190637 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1277 |
| Date type: | Internal, A.D., Calendar, Episcopal |
| Resource Link(s): |
|
Charter:
Rogerus Dei gratia Coventr et Lich episcopus dilectis in Cristo filiis abbati et conventui loci benedicti de Stanlawe Cisterciensis ordinis salutem gratiam et benedictionem Iustis postulantium votis eorum precipue qui divino cultui deserviunt incessanter pium arbitramur et congruum ut assensum absque difficultate benivolum prebeamus Cum igitur donationem nobilis viri Rogeri de Lascy constabularii Cestr de ecclesia de Rached cum capella de Sadelword et aliis suis pertinentiis et concessionem et confirmationem in proprios usus vobis factas per bone memorie Willelmum de Cornehull et Alexandrum predecessores nostros et confirmationem capituli Coventr summorum pontificum scilicet Honorii tertii et etiam Innocentii tertii confirmationibus super eisdem subsecutis et etiam donationem nobilis viri Iohannis de Lascy comitis Lincoln de ecclesia de Eccles cum capella de Sayntemariden et ceteris suis pertinentiis et concessionem in proprios usus bone memorie Alexandri predecessoris nostri simul cum confirmationibus capitulorum Coventr et Lich et etiam Alexandri pape quarti super eisdem necnon et donationem eiusdem nobilis viri Iohannis de Lascy de ecclesia de Blakeburn cum capellis de La Lawe et Samlesbury et portione quam habet dicta ecclesia in ecclesia de Whalleye et aliis suis pertinentiis et concessionem in proprios usus super una medietate dicte ecclesie de Blak bone memorie Alexandri predecessoris nostri et predictorum capitulorum confirmationes et super alia medietate dicte ecclesie concessionem nostram in proprios usus cum confirmatione capituli Coventr super utraque medietate Alexandri pape quarti confirmatione subsecuta sufficienter habeatis prout de hiis omnibus per exhibitionem instrumentorum vestrorum superius pretactorum nobis constitit evidenter et insuper vobis dictas ecclesias cum capellis prenominatis et omnibus aliis suis pertinentiis a nobis petieritis confirmari nos dictorum dominorum vestigiis inherentes ac sicut convenit volentes annuere votis vestris prefatas ecclesias cum capellis suis et omnibus aliis que ad eas pertinent in proprios usus vestros auctoritate pontificali concedimus et confirmamus perpetuis temporibus possidendas Et ut hec nostra concessio et confirmatio rata imperpetuum permaneat et inconcussa nos presens scriptum sigilli nostri munimine duximus roborandum Hiis testibus magistris Alano dicto le Breton thesaurario Lich Ada de Walton cancellario Lich Iohanne de Craven decano Cestr Ada de Stafford archidiacono de eadem domino Rogero priore de Norton domino Willelmo dicto le Povere milite magistro Roberto de Sauthorp et aliis Dat apud Heywod xiiii kalendas Maii anno gratie MCCLXXVII et consecrationis nostre vicesimo