Charter Document - 05190636

Omnibus Cristi fidelibus ad quos presens scriptum pervenerit Rogerus Dei gratia Coventr et Lych episcopus salutem in Domino sempiternam Iustis petentium desideriis et virorum precipue religiosorum precibus quorum vita commendabilis conversatio honesta ordinis in se disciplina et eorundem sustentationis insufficientia ad annuendum nos invitant paterna nos pietate convenit condescendere Ea propter paupertati loci benedicti de Stanl conpatientes et eidem incrementum caritatis intuitu conferre volentes utque elemosinarum largitionibus et hospitalitatibus et ad religionis augmentum ibidem liberius vacare valeant medietatem ecclesie de Blakeburn cum omnibus pertinentiis suis illam scilicet quam Rogerus de Blakeburne quondam tenuit quantum ad nos pertinet monachis et fratribus in loco benedicto de Stanl Deo servientibus in proprios usus possidendam concessimus et inperpetuum confirmamus Licitum sit etiam eis ipsius ecclesie possessionem ingredi et in proprios usus inposterum illam sibi applicare salva vicaria viginti marcarum ad sustentationem vicarii perpetui qui in eadem ecclesia in propria persona honeste deserviet et omnia onera episcopalia et archidiaconalia consueta et debita sustinebit quem quidem abbas et conventus nobis et successoribus nostris ad eandem vicariam successive presentabunt salvo etiam nobis et successoribus nostris iure pontificali et parochiali et etiam archidiaconali Ut autem hec nostra concessio et confirmatio rata permaneant et inconcussa nos presens scriptum sigilli nostri munimine duximus roborandum Hiis testibus magistris R de Mepham archidiacono Stafford I de Attelberg canonico Lych fratre Andree priore de Derl magistro Alano Briton domino Roberto de Kynton et aliis Dat London in crastino sancti Luce ewangeliste anno Domini MCCL nono