Charter Document - 05190631
| Charter Number: | 05190631 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1291 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis sancte matris ecclesie filiis presentes literas inspecturis Rogerus permissione divina Cov et Lich episcopus salutem in omnium salvatore Clerici et populi nobis commissi ac aliorum Cristi fidelium mentes ad devotionis opera propensius excitare volentes de Dei omnipotentis misericordia beate Marie virginis genitricis eiusdem beati Cedde episcopi et omnium sanctorum meritis et precibus confidentes parochianis nostris omnibus et aliis quorum diocesani hanc nostram ratam habuerint indulgentiam vere contritis et confessis qui pro anima domini Rogeri de Somery militis cuius corpus in ecclesia conventuali de Doddeleg nostre dyocesis quiescit humatum ac animabus omnium fidelium defunctorum orationem Dominicam cum salutatione beate Marie virginis dixerint pia mente quadraginta dies de iniuncta sibi penitentia misericorditer relaxamus indulgentias a quibuscunque episcopis catholicis pro eodem concessas seu imposterum concedendas ratas habentes penitus et acceptas In cuius rei testimonium sigillum nostrum presentibus est appensum Data apud Heywode xv kalendas Februarii anno Domini MCCXC et consecrationis nostre xxxiii