Charter Document - 05190624
| Charter Number: | 05190624 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1292 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis sancte matris ecclesie filiis presentes litteras inspecturis Roger permissione divina Covent et Lych episcopus salutem in omnium salvatore Cleri et populi nobis commissi ac aliorum Cristi fidelium mentes ad devotionis opera propensius excitare volentes et Dei omnipotentis misericordia Beate Marie virginis genetricis eiusdem Beati Cedde episcopi et omnium sanctorum meritis et precibus confidentes parochianis nostris omnibus et aliis quorum dyocenani hanc nostram ratam habuerint indulgentiam ut contritis et confessis qui ad fabricam seu reparationem ecclesie conventualis fratrum ordinis sancti Augustini in villa Salop nostre dyocesis commorantium vel domorum eorundem aliqua de bonis sibi a Deo collatis pie contulerint subsidia caritatis seu in extremis laborantes quicquam facultatum suarum legaverint viginti dies de iniuncta sibi penitentia misericorditer relaxamus indulgentias a quibuscumque episcopis catholicis eisdem concessas seu imposterum concedendas ratas habentes penitus et acceptas In cuius rei testimonium sigillum nostrum presentibus est appensum Dat apud Prees xiiii kalendas Iunii anno Domini MCCXCII et consecrationis nostre xxxv