Charter Document - 05190623
| Charter Number: | 05190623 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1295 |
| Date type: | Internal, A.D., Episcopal |
| Resource Link(s): |
|
Charter:
Universis sancte matris ecclesie filiis presentes litteras inspecturis Rogerus permissione divina Coventr et Lych episcopus salutem in omnium salvatore Cleri et populi nobis commissi ac aliorum Cristi fidelium mentes ad devotionis opera propensius excitare volentes de Dei omnipotentis misericordia beate Marie virginis genitricis eiusdem beati Cedde episcopi et omnium sanctorum meritis et precibus confidentes parochianis nostris omnibus et aliis quorum dyocesani hanc nostram ratam habuerint indulgentiam vere contritis et confessis qui pro anima domini Willelmi Longespe comitis Saresbur cuius corpus in capella beate Marie virginis in ecclesia Saresbur eiusdem dyocesis quiecit humatum ac animabus omnium fidelium defunctorum orationem Dominicam cum salutatione beate virginis predicte dixerint pia mente quadraginta dies de iniuncta sibi penitentia misericorditer relaxamus In cuius rei testimonium sigillum nostrum presentibus est appensum Dat apud Crokesle quarto idus Novembris anno Domini millesimo ducentesimo nonogesimo quinto et consecrationis nostre tricesimo octavo