Charter Document - 05190612
| Charter Number: | 05190612 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1271 |
| Date type: | Internal, A.D., Feast |
| Resource Link(s): |
|
Charter:
Omnibus sancte matris ecclesie filiis ad quos presens scriptum pervenerit R miseratione divina Coventren et Lichesfelden episcopus salutem in Domino sempiternam Religiosorum indempnitatibus providere et eorum paterna sollicitudine studere provectibus pastoris nos compellit officium et caritas postulat ordinata [Eapropter] dilectorum in Cristo filiorum prioris et canonicorum de Repindon iustis postulationibus annuentes inspectis et intellectis eorum privilegiis et indulgentiis tam a sede apostolica quam a predecessoribus nostris eisdem concessis ecclesiam sancti Wistani de Rependon ipsis a prima fundatione domus sue a fundatoribus suis concessam una cum eiusdem ecclesie capellis quas propriis duximus exprimendas vocabulis videlicet de Neuton de Bretby de Melton de Fornemerth de Engleby de Tykenhale de Smythesby de Meysham cum omnibus etiam tam dicte ecclesie quam earundem capellarum pertinentiis libertatibus et immunitatibus quibus hactenus usi sunt [in usus] propios possidendam et tenendam ipsis auctoritate pontificali concedimus et confirmamus salvis nobis et successoribus nostris in memorata ecclesia iure pontificali et parochiali Ad hec volumus et concedimus et auctoritate pontificali confirmamus quod in eorum ecclesia sancti Wystani de Rependon in qua nunquam fuit vicaria ordinata nec perpetuus vicarius constitutus possint sicut hactenus factum est per prebyterum deservire cum et videatur decentius et sic predicto monasterio magis tutum ut in predicta sua ecclesia per familiarem sibi prebyterum quam per extraneum serviatur Quod ne futuris temporibus revocari possit in [irritum] presens scriptum sigilli nostri munimine duximus roborandum Hiis testibus magistro Radulpho de Chaddesden thesaurario Lych magistro Willelmo de Attlebye et magistro Alano le Bretun canonicis Lych magistro Ada de Walton magistro Iohanne de Kernyk magistro Iohanne de Craven Willelmo de Mirley clerico domini regis et aliis Data London die mercurii in vigilia ascensionis Domini anno eiusdem MCC septuagesimo primo