Charter Document - 05190608
| Charter Number: | 05190608 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Arbitration |
| Date: | 1289 |
| Date type: | Internal, A.D., Feast |
| Resource Link(s): |
|
Charter:
Noverint universi hoc scriptum visuri vel audituri quod cum mota esset controversia inter venerabilem patrem dominum Rogerum de Meulaund Coventr et Lich eiscopum ex parte una et Robertum de Pipe ex altera de terris et tenementis apud Huntebache in feodo de Eccleshale et etiam Magna Pipe tandem dicta controversia amicabiliter in hunc modum conquievit videlicet quod predictus Rogerus episcopus dedit concessit et hoc presenti scripto confirmavit predicto Roberto quadraginta acras regias de vasto suo in Edyashale per perticam viginti et quatuor pedum et dimidii mensurandas quarum viginti et octo acre iacent propinquiores ville de Pipe et duodecim acre iacent extra venellam de Chorleye ad locum qui dicitur Berdeleye habendas et tenendas sibi et heredibus suis de predicto Rogero episcopo et suis successoribus libere quiete bene et in pace inperpetuum reddendo inde annuatim predicto Rogero episcopo et successoribus suis unum denarium ad festum sancti Michaelis pro omni servitio seculari exactione et demanda Et predictus Rogerus episcopus et successores sui predictas quadraginta acras predicto Roberto et heredibus suis ad includendum arandum seminandum et proficua earundem capiendum contra omnes gentes warantizabunt et per predictum servitium defendent et acquietabunt inperpetuum Pro hac autem donatione concessione presentis scripti confirmatione et warantizatione predictus Robertus concessit remisit et quietum clamavit predicto Rogero episcopo et successoribus suis totum ius et clamium quod habuit vel aliquo modo habere potuit in toto residuo predicti vasti de Edyashale quod quidem vastum predictus Robertus clamabat versus predictum episcopum ut ius suum Dedit insuper predictus Robertus concessit et remisit predicto Rogero episcopo et successoribus suis omnes terras et tenementa que habuit in Eccleshale Huntebach et Brocton cum omnibus servitiis ut in redditibus homagiis vardis releviis et omnibus aliis pertinentiis sine aliquo retenemento habenda et tenenda sibi et successoribus libere quiete bene et in pace inperpetuum nichil inde predicto Roberto vel heredibus suis reddendo Et predictus Robertus et heredes sui omnia predicta terras et tenementa sicut predictum est predicto Rogero episcopo et successoribus suis contra omnes gentes warantizabunt et in omnibus et per omnia pro predictis quadraginta acris defendent et acquietabunt inperpetuum In cuius rei testimonium hiis scriptis inter ipsos inde indentatos predicti Rogerus episcopus et Robertus alternatim sigilla sua apposuerunt Hiis testibus Dominis Willelmo Meynil Willelmo Trumwyne militibus Robert de Freford Willelmo de Puteo Willelmo de Tomenhorn Waltero de Elmedon Hugone de Tymmor Willelmo de la More Ricardo de Puteo et aliis Dat apud Crokesleye die mercurii proxima ante festum apostolorum Simonis et Iude anno Domini MCC octogesimo nono