Charter Document - 05190606
| Charter Number: | 05190606 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1267 |
| Date type: | Internal, A.D., Calendar |
| Resource Link(s): |
|
Charter:
Walterus permissione divina Ebor ecclesie minister Anglie primas et Rogerus eadem permissione Coventrens et Lichefeldens episcopus dilecto sibi in Cristo magistro A le Pek salutem et sinceram in Domino dilectionem Cum de decima que tempore Symonis comitis quondam Leycestr erat collecta seu levata et postmodum domino Edwardo illustris regis Anglie primogenito concessa tantum debetis intromittere sicut scitis nec de levanda aliquatenus sollicitari vobis mandamus ex parte domini legati firmiter iniungentes quatinus religiosis viris domino abbati et conventui de Dora ordinis Cisterciensis Herfordensis dioecesis sicut decet in hac parte parcentes ab exactione huius decime non lev[at]e penitus desistatis ac dilecto nobis in Cristo domino Iohannes le Britun decimam quam ab eodem prius quidem non collectam de ecclesia sua de Dorsinton levari fecistis curetis restituere quod non omittatur Ita facientes [m]ateriam inde habeant quod nollemus alibi conquerendi Valete Datum ix kalendas Iunii anno gratie MCCLX sep[timo]