Charter Document - 05190602
| Charter Number: | 05190602 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1281 |
| Date type: | Assigned |
| Resource Link(s): |
|
Charter:
Notum sit omnibus Cristi fidelibus quod cum motum fuisset placitum inter Philippum Noel de Cesteford querentem ex parte una et venerabilem patrem dominum Rogerum de Meuland Coventr et Lich episcopum et homines manerii sui de Eccleshal ex parte altera de communia pastura unde idem Philippus tulerat breve nove disseisine asserens ipsam pasturam pertinere ad liberum tenementum suum in Neubold tandem inter eosdem conquievit in hac forma videlicet quod tam dictus episcopus pro se et successoribus suis et omnibus hominibus suis manerii de Eccleshal preter Henricum de Emkerdon et Willelmum de Badenhal quam predictus Philippus pro se et heredibus suis vel suis assignatis et omnibus hominibus suis de Neubold mutuo inter se concesserunt et quietum clamaverunt quod cum terre ipsorum de diversis feodis existant neuter ipsorum alteri in communia pastura decetero communicet sed habeant et teneant omnia tenementa sua tam in terris arabilibus quam vastis pratis pascuis et pasturis libera et quieta imperpetuum absque omnimoda pasture communie exigentia salva predicto Philippo communia pasture sue ad tenementum illud quod tenet in Chattulne de feodo de Eccleshal pertinente Concesserunt etiam inter se et quietum clamaverunt quod dictus episcopus et successores sui et omnes homines predicti manerii sui de Ecclesh de omnibus terris et tenementis suis pro libito voluntatis sue libere se possint appruiare et appruiata pacifice tenere sine contradictione ipsius Philippi et heredum suorum vel suorum assignatorum imperpetuum Et dictus Philippus et heredes sui vel sui assignati de omnibus terris et tenementis suis libere se possint appruiare in Neubold que est infra libertatem de Alveton et appruiata pacifice tenere imperpetuum sine contradictione vel impedimento ipsius episcopi et successorum suorum et omnium hominum suorum prefati manerii de Eccleshal exceptis prenominatis Henrico et Willelmo In cuius rei testimonium huic presenti scripto in modum cirograffi confecto dictus episcopus sigillum suum una cum sigillis capitulorum suorum Coventr et Lich fecit apponi et dictus Philippus sigillum suum alteri parti Hiis testibus Dominis Roberto Hastang Roberto de Staundon Iohanne de Swynnerton Hugone de Weston Roberto de Knyttel Henrico de Kerswall et Iohanne Giffard militibus Gilberto de Kirkeby Roberto de Pype et aliis