Charter Document - 05190600

Sciant universi hoc scriptum visuri vel audituri quod hec est conventio facta inter dominum Rogerum episcopum Coventr et Lich ex parte una et Reginaldum Modi ex altera videlicet quod dominus episcopus dedit et concessit et presenti scripto confirmavit dicto Reginaldo Modi unam partem brueri sui cum quadam mora iuxta villam de Heth per bundas et metas inter ipsos factas in excambio pro quodam mesuagio in villa de Pres et quodam gardino et quodam crofto quod iacet a gardino Willelmi Modi patris dicti Reginaldi per viam versus villam ascendendo ex una parte et per orreum Willelmi Drury ex alia et pro quodam campo desursum vivario de Prees qui vocatur Batticote cum prato eidem adiacente usque ad cursum aque et per divisas eiusdem campi habendis et tenendis domino episcopo et successoribus suis imperpetuum Concessit vero dominus episcopus pro se et suis successoribus Reginaldo Modi et heredibus suis in feodo et hereditate habendam et tenendam dictam partem illius brueri et more per bundas et divisas inter ipsos factas et se infra dictas divisas edificare et pro se aproviare ut melius sibi viderit expedire sine omni calumpnia et contradictione et vexatione domini episcopi et successorum suorum preter molendinum facere ad nocumentum molendini domini episcopi de Pres faciendo tamen totum illud servitium in omnibus et per omnia domino episcopo quod solebat facere pro illa terra de Pres singulis annis et dictos terminos Item dominus episcopus et sui successores istam terram predictam predicto Reginaldo Modi et heredibus suis pro illo excambio sicut predictum est contra omnes mortales warantizabunt et defendent Et ut hec conventio rata sit et stabilis hec scripta inter illos sigillorum illorum appositione roboraverunt Hiis testibus Radulpho domino de Saumford Griffino de Albo Monasterio Iohanne de Hauekeston Willelmo de Tytteneleg Roberto de Say Ivone de Soleton Willelmo de Lak et aliis