Charter Document - 05190598
| Charter Number: | 05190598 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Complaint |
| Date: | 1282 - 1283 |
| Date type: | Assigned |
| Resource Link(s): |
|
Charter:
Sua nobis venerabilis frater noster Lich et Coventr episcopus conquestione monstravit quod venerabilis frater noster archiepiscopus Cant metropolitanus suus eiusque officialis falcem in alienam messem mittere satagens de causis que inter subditos predicti episcopi oriuntur et que ad ipsos archiepiscopum et officialem per appellationes vel alio modo legitimo minime devoluntur per se suosque commissarios passim proprio motu cognoscunt de illis etiam que coram ecclesiasticis iudicibus civitatis et diocesis Lich et Coventr subiectis iurisdictioni eiusdem episcopi ventilantur si contingat in causis ipsis de facto ad Cant curiam omisso eodem episcopo ad quem gradum provocandi est appellari se indebite intromittunt in eiusdem episcopi sueque iurisdictionis non modicum preiudicium et gravamen quamquam id illis non competat de consuetudine vel de iure