Charter Document - 05190587
| Charter Number: | 05190587 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1266 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis sancte matris ecclesie filiis R divina miseratione Coventr et Lych ecclesiarum minister humilis salutem in Domino sempiternam Obsequium domino gratum prestare totiens opinamur quotiens ad pias operationes mentes fidelium excitamus Ad ipsorum igitur devotionem amplius excitandam de omnipotentis Dei misericordia gloriose virginis Marie matris eius beati Cedde episcopi omniumque sanctorum meritis et precibus confidentes parochianis nostris ac aliis quorum dioecesani ratam hanc nostram habuerint indulgentiam vere contritis et confessis qui causa devotionis predicationem canonicorum Lincoln ecclesie audierint pro anima pie memorie Henrici quondam Lincoln episcopi et animabus omnium fidelium defunctorum ter orationem Dominicam cum salutatione beate virginis mente pia dixerint vel ad ipsius ecclesie fabricam aliqua caritatis subsidia contulerint quindecim dies de iniuncta sibi penitentia misericorditer relaxamus In cuius rei testimonium sigillum nostrum presentibus est appensum Dat Kenelworth kalendas Septembris anno Domini MCCLX sexto et nostre consecrationis nono Valete