Charter Document - 05190585

R Dei gratia Conventr et Lich episcopus dilectis in Cristo filiis universis archidiaconis vel eorum officialibus in Conventrensi et Lichfeldensi diocesi constitutis salutem gratiam et benedictionem Mandamus vobis sub pena canonice districtionis firmiter precipientes quatinus sententiam infrascriptam a prelatis Cantuariensis provincie nuper Lond promulgatam et etiam innovatam in singulis capitulis et congregationibus vestris sollemniter puplicetis et eam de verbo ad verbum singulis diebus Dominicis et festivis duplicibus in qualibet ecclesia parochiali populo in vulgari exponi diligentissime faciatis cuius transcriptum unusquisque vestrum penes se retineat et conservet ac petentibus personis idoneis copiam faciat transcribendam In nomine Domini amen Cum sicut concinetur quam plures hiis diebus tam clerici quam laici tamen per ignorantiam tamen per negligentiam in canones latarum sententiarum suspensionis et excommunicationis multipliciter inciderint nos volentes tali periculo remedium quod possumus adhibere et anime saluti prospicere sicut ad nostrum spectat officium quasdam excommunicationis sententias a sanctis patribus et predecessoribus nostris olim latas providimus sollemniter publicandas et innovandas ut per hec melius evitentur et si qui in ipsas inciderint ad resurgendum excitentur ne sanguis eorum de manibus nostris requiratur Auctoritate igitur domini omnipotentis et gloriose virginis Marie ac beatorum Petri et Pauli apostolorum eius et beati Thome martiris sancti Edwardi regis et confessoris necnon sacrosancte apostolice sedis et nostra exhabundanti cautela exhortamur precipimus et monemus ut perturbatores libertatum ecclesie ac pacis et tranquillitatis domini regis et regni insuper votorum crucesignatorum et peregrinatorum in subsidium terre sancte raptores et depredatores bonorum Deo dedicatorum et ecclesiasticarum quarumlibet personarum sacrilegi universi et eis prestantes opem vel operam auxilium consilium vel favorem pro posse et possibilitate sua de sui diocesani consilio lesa reforment ablata restituant et sua maleficia que contra premissa commiserint studeant emendare et a similibus abstineant in futurum ac sibi procurent absolutionis beneficium inpertiri Alioquin omnes illos qui scienter et malitiose ecclesias privaverint seu spoliaverint suo iure item omnes illos qui ecclesiasticas libertates vel antiquas regni consuetudines laudabiliter approbatas et precipue libertates et liberas consuetudines que continentur in cartis communium libertatum et de foresta a domino rege concessas archiepiscopis episcopis et ceteris regni prelatis comitibus baronibus militibus et libere tenentibus quacumque arte vel ingenio violaverint infregerint diminuerint seu mutaverint clam vel palam facto verbo vel consilio contra illas vel earum aliquam in quocumque articulo temere veniendo item omnes illos qui contra illas vel illarum aliquam statuta ediderint vel edita servaverint consuetudines introduxerint vel servaverint introductas scriptores etiam statutorum necnon consiliaros et executores et eos [qui] secundum ea presumpserint iudicare item omnes illos qui pacem domini regis et regni presumpserint perturbare sollemniter nuntiamus in maioris excommunicationis sententiam a sanctis patribus olim latam et apostolice sedis confirmatam presidio dampnabiliter incidisse preterea omnes ecclesiarum incendiatores et effractores et qui de domibus maneriis grangiis vel locis aliis quibuscumque ad archiepiscopos episcopos abbates priores vel vicarios ecclesiarum seu quascumque alias personas ecclesiasticas pertinentibus quicquam preter voluntatem aut gratam permissionem dominorum suorum custodumve aut ballivorum suorum capere rapere consumere vel auferre presumpserint aut contrectare