Charter Document - 05190582

Rogerus permissione divina Coventr et Lich episcopus dilectis in Cristo filiis decano et capitulo ecclesie nostre Lich predicte salutem gratiam et benedictionem Cum reverendus in Cristo pater dominus Oliverus Dei gratia Lincoln ecclesie episcopus ac venerabiles viri Philippus decanus et capitulum ecclesie eiusdem se et capellam de Knyveton nostre diocesis que ad ecclesiam de Esseburn quam idem decanus ratione sui decanatus in usus proprios optinet spectare consueverat ac etiam totum ius quod ipsis in eadem quoquomodo competere potuit ordinationi et dispositioni nostre sponte pure et absolute totaliter submiserint promittentes firmiter per suas litteras patentes in verbo veritatis et sacerdotii se gratum et acceptum inperpetuum habituros quicquid de eadem ordinandum duxerimus prout in litteris submissionis huius sigillis suis signatis plenius et expressius continetur nos prefate ecclesie Lich sponse nostre in Cristo karissime sicut tenemur incrementa prospera affectantes attendentes etaim onera gravia que vobis in eadem residentibus imminent qui diei et estus pondera sustinetis et in eadem tanquam cultores agri Dominici Deo iugiter deservitis ut onera ipsa supportare facilius valeatis ac divine laudis organa nostris temporibus in ecclesia eadem quod intimis visceribus cupimus augeantur capellam de Knivetton predictam cum omnibus iuribus et pertinentiis ad eandem in augmentum commune vestre vobis concedimus magistro Petro de Winton nunc rectore eiusdem cedente vel etiam decedente perpetuis temporibus possidendam et quod usibus vestris futuris temporibus taliter applicetur virtute submissionis predicte disponimus ac etaim tenore presentium ordinamus ita quod post decessum vel cessionem Petri nunc rectoris predicti liceat vobis possessioni ingredi capelle eiusdem consensu nostro vel successoris nostri cuiuscumque super hoc minime requisito salva tamen vicaria in capella eadem per nos aut successores nostros iuxta vires et facultates ipsius in certis portionibus ordinanda In cuius rei testimonium sigillum nostrum presentibus est appensum Dat apud Tatenhull xvii kalendas Novembris anno Domini MCC nonagesimo et consecrationis nostre xxxiii