Charter Document - 05190581
| Charter Number: | 05190581 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Arbitration |
| Date: | 1279 |
| Date type: | Internal, A.D., Feast |
| Resource Link(s): |
|
Charter:
R Dei gratia Coventr et Lich episcopus dilectis in Cristo filiis magistro I de Wimburn archidiacono Cestr et domino Walkelino de Houton canonicis Lich salutem gratiam et benedictionem Cum inter venerabiles viros dominum R decanum et capitulum ecclesie Lich veros patronos ecclesie de Horburn nostre diocesis ex parte una et dominum Henricum de Ganio possessioni dicte ecclesie de Horburn incumbentem ex altera super ipsa ecclesia de Horburn suborta sit materia questionis ac eedem partes pro bono pacis ut intelleximus vestre ordinationi super totali iure dicte ecclesie et ipsas quoquomodo spectantibus alte et basse se submittere sint parate dum tamen dicte submissioni benivolum preberemus assensum et vobis ad ordinandum auctoritatem nostram impertiremus nos dictarum partium tranquillitatem affectantes et submissionibus eorundem et ordinationi per vos faciende plene consentientes ad recipiendum submissiones eorum et ad ordinandum inter ipsos vobis tenore presentium plenam et liberam cum cohertionis potestate committimus auctoritatem ratum et firmum habituri quicquid super dicta ecclesia cum suis iuribus et appendicibus inter predictas partes duxeritis ordinandum statuendum seu diffiniendum Dat apud Brewode in festo nativitatis beate Marie virginis anno Domini MCCLXX nono