Charter Document - 05190575
| Charter Number: | 05190575 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1273 |
| Date type: | Internal, Episcopal |
| Resource Link(s): |
|
Charter:
Omnibus Cristi fidelibus presentes litteras inspecturis Rogerus miseratione divina Coventr et Lich episcopus salutem in Domino sempiternam Paterno convenit affectui piis et providis filiorum postulationibus animo libenti assensum prebere gratiosum et in hiis precipue in quibus divini cultus noscitur augmentum et proximorum utilitati providetur et saluti Insinuantibus siquidem nobis dilectis in Cristo filiis decano et capitulo ecclesie nostre Lich de Baucwell Hope et Tydeswell ecclesiarum administrationem habentibus accepimus quod inportunitates pericula casusque abominabiles in dictarum parochiis ecclesiarum ex locorum distantia itinerumque discrimine ac frequenti aquarum inundatione niviumque decensu circa mortuorum corpora ad sepeliendum in cimiteriis earundem ecclesiarum delata hactenus multipliciter et frequenter acciderunt Ob quod iidem humiliter nobis supplicarunt et devote ut paterna pietate huiusmodi gravamini periculisque et casibus misericorditer obviare curaremus concedendo in locis oportunis infra dictas parochias oratoria construi et cantariam in eisdem haberi ac cimiteria in sepulturam fidelium benedici Nos autem attendentes supplicationem antedictam de pietatis et humanitatis fonte ac divini honoris devotione procedere divinumque ex hoc augeri cultum ac nemini generari preiudicium devotis eorum inclinati precibus et pia vota benigno prosequentes favore pontificali auctoritate licentiam eis presentium tenore concedimus et facultatem ut oratoria infra dictarum ecclesiarum suarum parochias ubi eorum circumspectioni conveniens videbitur et oportunum erigantur et in eisdem divina celebrentur ac cimiteria in sepulturam fidelium a quocumque episcopo catholico ad ipsorum requisitionem benedicantur ratum habentes et gratum quicquid ad eorundem decani et capituli provisionem per quemcumque episcopum catholicum actum fuerit in hac parte In quorum omnium robur et testimonium has litteras nostras eisdem concessimus patentes Valete Dat apud Salloue idus Septembris pontificatus nostri anno sextodecimo