Charter Document - 05190573

Universis Cristi fidelibus presentes litteras visuris vel audituris R de Meulond divina permissione Coventr et Lich ecclesiarum minister humilis salutem in Domino sempiternam Si sponsa nostra Lich ecclesia quam ex toto corde non inmerito diligimus licet inmeriti presidentes regiminis nostri temporibus aliqua suscipiat incrementa per que defectus in ea siqui reperti fuerunt suppleantur nostri materia gaudii multipharie in Domino dilatatur potissime cum ibidem divino cultui ministrantium dum eis aliquid emolumenti per hoc adquiritur devotio frequentius excitetur Nobis igitur ut de bonis ecclesie de Wygan triginta marcas annuas ecclesie predicte Lich valeamus assignare convertendas in certos usus ipsius pro nostra voluntate per manus rectoris eiusdem ecclesie de Wygan qui pro tempore fuerit potestate concessa prout in submissionis et concessionis instrumentis sigillis nobilis viri domini Roberti Banastr patroni ecclesie de Wygan et magistri Ricardi rectoris eiusdem signatis plenius continetur attendentes quosdam defectus ecclesie Lich predicte necnon volentes cultum in ea divinum pro viribus ut in presentiarum possumus ampliare taliter duximus ordinandum videlicet ut rector ecclesie de Wygan qui pro tempore fuerit de bonis ipsius ecclesie triginta marcas singulis annis apud Lich sacriste Lich fideliter exsolvat infra quindenam a festo sancti Michaelis et infra quindenam a festo Pasche per partes equales sicut in litteris predictorum patroni et rectoris dicitur contineri Volumus insuper et ordinamus quod sacrista Lich qui pro tempore fuerit sex pueris in ecclesia Lich ad electionem et dispositionem nostram et successorum nostrorum ministrantibus exsolvat perpetuo decem marcas fabrice eiusdem ecclesie quamdiu vixerimus decem marcas post decessum vero nostrum anniversarii nostri die quinque marcas in pane pauperibus per manus ipsius fideliter erogandas alias quinque marcas inter vicarios ipsius ecclesie pro anima nostra solempne servitium anniversarii nostri die distribuat annis singulis celebrantes et residuas decem marcas in usus dumtaxat converti volumus sacristie Ad hec volumus et etiam ordinamus ut quicumque instituendus fuerit rector in ecclesia de Wygan supradicta statim post admissionem suam ad ecclesiam Lich veniat et ibidem coram decano et capitulo corporale prestet sacramentum quod predictas triginta marcas suis exsolvet terminis ecclesie de Lich supradicte Et si forte contingat rectorem aut custodem eiusdem ecclesie pro tempore existentem in solutione prefate pecunie aliquo tempore cessare liceat nobis et successoribus nostris vel loci archidiacono si fortassis sedes episcopalis vacaverit ipsum per interdicti et excommunicationis sententias et si necesse fuerit per fructuum eiusdem ecclesie subtractionem ad dicte pecunie solutionem compellere Ad maiorem autem huius rei securitatem presentes litteras sigilli nostri munimine fecimus roborari Hiis testibus magistris Radulpho de Sympringham tunc decano Thoma de Wymundesham precentore Radulpho de Chaddesdene thesaurario ecclesie Lich magistris Iohanne de Attilberg Willelmo de Attilberg Alano Britone Dominis Willelmo de Neuton capellano Thoma de Bradeford Walkelyno capellano Iohanne de Sperham Nicholao de Lega domino Willelmo de Burgton canonicis Lich et aliis Valete Dat Lich vi idus Iulii anno Domini millesimo CCLX quinto