Charter Document - 05190568
| Charter Number: | 05190568 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1278 |
| Date type: | Internal, A.D., Calendar |
| Resource Link(s): |
|
Charter:
Nobili viro et amico speciali domino H vicecomiti Lanc R permissione divina Coventri et Lich episcopus salutem et sincere dilectionis continuum incrementum Discretioni vestre innotescimus per presentes quod Petrus de Burnhul in sententia excommunicationis ob eius contumaciam in ipsum fulminata claves ecclesie contempnendo per quadraginta dies perseveravit et amplius animo indurato Propter quod excellentissimo domino nostro regi Angl litteris nostris supplicavimus ut ipsum ad obediendum Deo et ecclesie potestate regia compellere dignaretur Set idem Petrus ad cor postea rediens beneficium absolutionis a nobis humiliter petiit et obtinuit in forma iuris Quocirca vos rogamus et exhortamur in Domino vobis sub pena excommunicationis districtius inhibentes quatinus occasione dicte sententie seu alicuius littere regie ad nostram instantiam super hoc impetrate nullam in ipsum potestatem excerceatis seu excerceri permittatis ab aliis vel vindictam In cuius rei fidem et testimonium sigilli nostri inpressio presentibus est appensa Dat apud Haywod die sabbati xi kalendas Martii anno gratie MCC septuagesimo septimo