Charter Document - 05190567

Notum sit omnibus hoc scriptum visuris vel audituris quod cum Robertus de Knitteley miles quandam assisam nove disseisine versus dominum Rogerum de Meuland Coventr et Lich episcopum aramivisset coram Dominis Reginaldo de Lega et Hugone de Cane tunc iustitiariis ad assisas nove disseisine et mortis antecessorum capiendas assignatis in comitatu Stafford de communa pasture quam dictus Robertus infra manerium de Eccleshale tanquam ad villam de Knitteleye spectanti per breve petebat Ita inter predictos dominum Rogerum episcopum et dictum Robertum convenit videlicet quod predictus Robertus de brevi suo se retrahens concessit remisit et quietum clamavit pro se heredibus suis et omnibus hominibus suis manerii de Knitteley quod nichil iuris vel clamii in communa pasture totius manerii de Eccleshale habebit vel habere clamabit imperpetuum et similiter predictus Rogerus concessit pro se successoribus suis et omnibus hominibus suis manerii de Eccleshale quod infra manerium de Knitteleye nichil iuris vel clamei in communa pasture totius manerii de Knitteleye habebit vel habere clamabit imperpetuum ita quod uterque partium predictarum limites maneriorum suorum communicando non excedant In cuius rei testimonium partes predicte presenti scripto in modum cirograffi confecto alternatim sigilla sua apposuerunt Hiis testibus fratre Nicholao priore sancti Thome martiris iuxta Stafford Dominis Willelmo de Stafford Willelmo de Mere Ricardo de Draycote Henrico de Cressewall Iohanne de Heranvile Willelmo de Trounrivire Willelmo de Wrottesleye Ricardo Sprigonerel Roberto de Pipe Rogero de Aston et aliis Datum apud Stafford die iovis proxima post quindenam nativitatis sancti Iohannis baptiste anno Domini millesimo CC nonogesimo primo