Charter Document - 05190565
| Charter Number: | 05190565 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1284 - 1295 |
| Date type: | Assigned |
| Resource Link(s): |
|
Charter:
Universis [] Nos Rogerus permissione divina Coven et Lich episcopus vicariam ecclesie de Pakynton cuius prior et conventus de Kenell rectores existunt in portionibus infrascriptis de consensu partium expresso non obstante ordinatione discretorum virorum magistrorum Roberti de Redewell et Guidonis de Tylbrok prius in hac parte precedente plenius duximus ordinandam sub hac forma videlicet quod vicarius qui pro tempore fuerit habeat mansum et totam terram ecclesie cum pertinentiis et cum feno tam de Dominico ecclesie quam de decima totius parochie Habeat etiam decimas omnes maiores et minores in et de Dominico prioris ad ecclesiam ipsam spectantes preter decimas garbarum aratro cultarum et decimam pannagii totius parochie plenarie percipiet preterquam de porcis propriis prioris et conventus predictorum Prior etiam et conventus predicti pensionem annuam octo solidorum priorisse de Marthate de cetero persolvent Vicarius vero habeat totam illam terram quam Thomas de Dunton quondam rector eiusdem habuit in vasto ex concessione prioris et conventus Procurationes et sinodalia idem vicarius persolvet Rectores vero omnia alia onera ordinaria et extraordinaria integraliter sustinebunt []