Charter Document - 05190562

Universis presentes litteras inspecturis vel audituris Rogerus permissione divina Coventr et Lich episcopus prior de Kenell eiusdem diocesis ac eiusdem loci conventus salutem in Domino sempiternam Noverit universitas vestra quod cum inter nos dictum Rogerum Coventr et Lich episcopum et prefatum priorem de Kenell ac eiusdem loci conventus super appropriatione ecclesiarum de Lillinton et Pakynton Prioris auctoritate nostra eisdem religiosis ut dicitur facta vicariis ordinandis ibidem ac super iure patronatus seu etiam advocatione ecclesiarum de Chesterton et Fennycompton que vel quod ad nos dictum Rogerum episcopum ut asseritur pertinere debent esset suborta materia questionis nos dicti episcopus prior et conventus pro nobis et successoribus nostris super premissis omnibus et singulis sponte pure ex deliberato consilio submittimus nos ordinationi et dicto discretorum virorum magistrorum Roberti de Radeswell iuris civilis professoris et Gydonis officialis Domini archidiaconi Coventr ratum et gratum firmum et stabile habentes et perpetuo habituri quicquid prefati magistri Robertus et Gydo super premissis omnibus et singulis ordinandum duxerint seu dicendum sub pena ducentarum librarum sine lite contradictione seu strepitu iudiciali solvendarum parti parenti a parte in toto vel in aliqua sui parte contravenire volente per cohercionem iudicis ecclesiastici quem predicti ordinatores duxerint nominandum In cuius rei testimonium nos prefati episcopus prior et conventus sigilla nostra maiora quibus utimur in causis et negotiis nostris maioribus presentibus litteris duximus apponenda Data et acta die sancti Bricii episcopi anno Domini millesimo CCLXXXIII