Charter Document - 05190561
| Charter Number: | 05190561 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1278 - 1294 |
| Date type: | Assigned |
| Resource Link(s): |
|
Charter:
Universis [] Rogerus permissione divina Coventr et Lich ecclesiarum minister humilis salutem in Domino sempiternam Noverit universitas vestra nos per auditores et examinatores nostros ad hoc specialiter deputatos diligenter inspexisse et examinasse scripta autentica predecessorum nostrorum Ricardi Willelmi Walteri Rogeri Galfridi Hugonis Alexandri Coventr et Lich episcoporum et confirmationes capitulorum Coventr et Lich super eisdem optentas non cancellata non vitiata non abolita nec in aliqua sui parte deleta super ecclesiis de Kenell de Stonley cum capella de Newham Radeford Herburbury Wurmelenthton Lemyngton Hampton in Ardena cum capellis suis de Balyshall Baddesley et Notehurst Wotton cum capella de Mylverton Athlaxton et Calwiche cum suis pertinentiis necnon et super pensionibus videlicet quinque marcarum de vicaria de Stoneley viginti solidorum de capella de Bathekyngton xx solidorum de capella de Assesho dimidie marce de capella de Cobynton xx solidorum de vicaria de Hampton duarum marcarum de capella de Brynklau duorum solidorum de ecclesia de Whytenasshe et quinquaginta solidorum de ecclesia de Langford in Derbyschyre dilectis in Cristo filiis videlicet religiosis priori et conventui de Kenell in propriis usibus iam concessis insuper et cartam nostram super appropriatione ecclesiarum de Lillinton et Pakynton Priorum quas quidem ecclesias et pensiones predictas prior et conventus impresentiarum pacifice possident et quiete Et licet per predictas appropriationes intellexerimus eos super dictis ecclesiis et pensionibus sufficienter esse munitos volentes tamen ex debito pastoralis officii ipsorum securitati partiter et quieti prospicere ut tenemur necnon et defectus supplere si qui fuerint in appropriationibus prelibatis ne cuiuslibet defectus occasio robur quod absit sacre religionis infringat nec pauperum et hospitum sustentatio consueta subtrahat omnes pedictas ecclesias et pensiones cum suis pertinentiis predictis religiosis eorumque monasterio concedimus et auctoritate pontificali inperpetuum confirmamus in usus proprios futuris temporibus optinendas salvo nobis et successoribus nostris iure pontificali et ecclesie nostre cathedralis dignitate []