Charter Document - 05190560
| Charter Number: | 05190560 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1278 |
| Date type: | Internal, A.D., Calendar, Episcopal |
| Resource Link(s): |
|
Charter:
Omnibus Cristi fidelibus presentes litteras inspecturis Rogerus permissione divina Coventr et Lych episcopus salutem in omnium salvatore Cum teneamur viris religiosis prospicere ne cuiuslibet defectus occasio robur quod absit sacre religionis infringat considerantes quanta dilecti in Cristo filii prior et conventus de Kenilleworth morum fulgeant honestate quantaque sancte conversationis religione prepolleant hospitalitatem [] caritatis opera libenter ac liberaliter exercentes quodque per suarum possessionum et iurium diminutionem tum pretextu eris alieni casualiter emergentis tum per dampna varia que hostilitatis tempore incurrerunt eis et eorum successoribus ecclesias de Lillington et Pakynton Prioris nostre diocesis que de eorum patronatu existunt cum omnibus suis iuribus et pertinentiis ad hospitalitatem et alia caritatis opera habundantius sustinenda auctoritate pontificali appropriamus volentes et tenore presentium concedentes quod cum eas vacare continget religiosi predicti ipsas habeant et teneant in usus proprios perpetuis temporibus possidendas salvis vicariis taxatis et ordinatis in mansis terris feno et altaragiis et pertinentiis eorundem Vicarii vero predictarum ecclesiarum omnia onera ordinaria sustinebunt Prefati vero religiosi de extraordinariis plenarie respondebunt salvis etiam in omnibus iure et auctoritate pontificali nostra et successorum nostrorum et ecclesiarum nostrarum Coventr et Lych dignitate In cuius rei testimonium presentes litteras sigilli nostri munimine fecimus roborari Dat apud Tachesbrok vi kalendas Augusti anno Domini millesimo ducentum septuagesimo octavo et consecrationis nostre vicesimo primo