Charter Document - 05190556
| Charter Number: | 05190556 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1258 - 1295 |
| Date type: | Assigned |
| Resource Link(s): |
|
Charter:
Universis [] Nos Rogerus permissione divina Coven et Lich episcopus nuper in archidiaconatu Coventr auctoritate ordinaria visitationis officium excercentes cum nobis constabat quod vicaria ecclesie de Radeford in certis portionibus auctoritate pontificali extitit ordinata vicariam eandem de consensu prioris et conventus de Kenell qui eandem ecclesiam in propriis usibus optinent et Thome de Crulefeld perpetui vicarii eiusdem inquisitione legitima et fidedigna prehabita et iuris ordine qui in hac parte requiritur in omnibus observato in portionibus infrascriptis fecimus ordinari videlicet quod vicarius qui pro tempore fuerit habeat mansum cum curtilagio et crofto que nunc habet et omnes oblationes et obventiones ad alteragium spectantes mortuaria omnia et totam decimam lini et lane et agnorum et molendinorum et omnes minutas decimas totius parochie exceptis decimis prioris et conventus Habeat etiam idem vicarius annuatim duo quarteria frumenti et unum quarterium siliginis de orreis prioris ad festum sancti Nicholai et unum pratellum iuxta Lemine quod habet ex concessione ipsius prioris et decimas omnium in ortis crescentium qui pede coluntur Et prior et conventus supradicti de procurationibus archidiaconi et aliis oneribus ordinariis et extraordinariis exceptis sinodalibus respondebunt Hec quippe sicut superius expressum est auctoritate pontificali ordinamus et rata atque inconcussa manere statuimus []