Charter Document - 05190555
| Charter Number: | 05190555 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1258 - 1295 |
| Date type: | Assigned |
| Resource Link(s): |
|
Charter:
Universis [] [Cum] nos Rogerus permissione divina Coventr et Lich episcopus nuper in archidiaconatu Coventr auctoritate ordinaria visitationis officio fungeremur per inquisitionem legitime factam et fidedignam comperimus evidenter quod vicaria ecclesie de Radeford in certis portionibus auctoritate pontificali non extitit ordinata et quod portiones vicario eiusdem ecclesie per priorem et conventum de Kenell qui eandem ecclesiam in usus proprios se habere pretendunt assignate ita fuerant tenues et exiles quod ex eisdem non potuit congrue sustentari nec etiam onera eidem incumbentia ali qualiter supportare ex quo animarum saluti periculum non modicum iminebat et cura eiusdem parochie minus ydonee regebatur Propter quod vocatis ad hoc qui de iure fuerant evocandi vicariam eandem iuris ordine qui in hac parte requiritur in omnibus observato in portionibus infrascriptis fecimus ordinari videlicet quod vicarius qui pro tempore fuerit habeat mansum cum pertinentiis que nunc vicarius habet et omnes obventiones ad alteragium qualitercumque spectantes quocumque nomine censeantur Habeat etiam idem vicarius decimam feni totius parochie tam de Dominicis quam de communitate ville et decimam garbarum omnium croftorum in parochia clausorum Item habeat idem vicarius quandam culturam super le Clyff in campis de Radeford cum tota pastura iuxta aquam de Lemene unacum quatuor sellionibus que se extendunt subtus le Portwey Percipiat idem vicarius tria quarteria frumenti de grangiis prioris sicut hactenus percipere consuevit in festis sancti Nicholai et annuntiationis beate Marie pro equali portione Sinodalia vero idem vicarius persolvet et religiosi prefati omnia alia onera ordinaria ac etiam extraordinaria sustinebunt Hec quippe sicut superius est expressum auctoritate pontificali ordinamus salva tamen nobis et successoribus nostris episcopis Coventr et Lich potestate augendi portiones predictas cum secundum temporis qualitatem et variationem videbitur oportunum []