Charter Document - 05190550
| Charter Number: | 05190550 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1272 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo Henrico Dei gratia illustri regi Anglie domino Hybernie ac duci Aquitannie suus humilis et devotus Rogerus eiusdem miseratione Coventr et Lych ecclesiarum minister humilis successus ad vota prosperos iugiter et felices Noverit excellentia vestra quod Willelmus filius Henrici M[]ton et Matilda mater sua nostre dioecesis comitatus Warewyk meritis suis exigentibus excommunicationis innodari sententia meruerunt in qua per quadraginta dies et amplius perseverantes adhuc incorrigibiles existunt claves ecclesie contempnendo Quocirca dominationi vestre supplicamus attente quatinus predictos Willelmum et Matildam ad satisfaciendum Deo et ecclesie secundum regni vestri consuetudinem regia potestate dignemini cohercere In cuius rei testimonium presentes litteras sigilli nostri inpressione fecimus communiri Data Crokexleg xiii kalendas Iunii anno Domini millesimo ducentesimo septuagesimo secundo