Charter Document - 05190545
| Charter Number: | 05190545 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1265 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo Henrico Dei gratia illustri regi Anglie domino Hybernie et duci Aquitannie suus Rogerus permissione divina Coventr et Lych ecclesiarum minister humilis salutem cum omni reverentia et honore Excellentie vestre notum facimus quod Walterus de Gresele capellanus nostre dioecesis propter manifestam eius offensam excommunicationis sententia meruit innodari in qua per quadraginta dies et amplius contumaciter perseverans adhuc incorrigibilis existit claves ecclesie contempnendo Quapropter serenitati vestre supplicamus attente quatinus predictum excommunicatum ad satisfaciendum Deo et ecclesie secundum consuetudinem regni vestri regia potestate dignemini cohercere Valeat excellentia vestra semper in Domino Data Heywod vi kalendas Maii anno Domini MCCLX quinto