Charter Document - 05190541
| Charter Number: | 05190541 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1263 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo Henrico Dei gratia illustri regi Anglie domino Hybernie et duci Aquitannie suus Rogerus miseratione divina Coventr et Lych ecclesiarum minister humilis salutem et tam devotam quam debitam cum omni honore reverentiam Noverit excellentia vestra quod Sampson de Dun miles nostre dioecesis culpis suis exigentibus excommunicationis sententia meruit innodari in qua per quadraginta dies et amplius claves ecclesie contempnendo contumaciter perseveravit et adhuc incorrigibilis existit Quocirca dominationi vestre supplicamus attente quatinus predictum excommunicatum ad satisfaciendum Deo et ecclesie regia potestate secundum regni vestri consuetudinem dignemini cohercere Valeat excellentia vestra in Domino per tempora longiora Data iii kalendas Aprilis anno Domini MCCLX tertio