Charter Document - 05190526
| Charter Number: | 05190526 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1258 - 1292 |
| Date type: | Assigned |
| Resource Link(s): |
|
Charter:
Universis Christi fidelibus hoc scriptum visuris vel audituris Rogerus de Meuland Dei gratia Coventriensis et Lichfeldensis episcopus eternam in Domino salutem Noveritis nos donasse concessisse et hac presenti carta nostra confirmasse Roberto Hastang filio domini Roberti Hastang domini de Chebeseye viginti et duas acras terre regales in vasto nostro in Eccleshale que iacent in latitudine inter terram Philippi Noel et pratum Henrici de Emkerdon et viam que ducit de Coldemeys versus Eccleshale et extendunt se in longitudine de via regali que ducit de Stafford versus Cestriam ad culturam quam Henricus de Hulcote tenuit de Philippo Noel habendas et tenendas dictas viginti et duas acras regales de nobis et de successoribus nostris dicto Roberto et heredibus suis vel assignatis suis et eorum heredibus libere et quiete bene et in pace cum omnibus libertatibus et aeysiamentis et communibus ad tantam terram pertinentibus reddendo inde annuatim nobis et successoribus nostris undecim solidos et sex denarios ad duos annuales terminos scilicet ad festum sancti Michaelis quinque solidos et novem denarios ad festum beate Marie in Martio quinque solidos et novem denarios pro omnibus servitiis consuetudine exactione et demanda seculari et pro secta curie nostre et successorum nostrorum et pro omnibus aliis rebus et demandis quibuscumque que ratione dictarum viginti et duarum acrarum terre regalium infra divisas prenominatas aliquo modo per nos et successores nostros vel per aliquos nomine nostro imposterum exigi potuerint seu clamari Pro hac nostra donatione concessione et carte nostre confirmatione dedit nobis dictus Robertus viginti libras sterlingorum pre manibus Nos vero et successores nostri predictas viginti et duas acras terre regales per bundas nominatas cum omnibus libertatibus dicto Roberto et heredibus suis vel imperpetuum contra omnes mortales pro predicto servitio undecim solidorum et sex denariorum In cuius rei Hiis testibus domino Iohanne Giffard de Chillintona domino Roberto de Bromlege domino Roberto de Knytelege domino Henrico de Kersewell Rogero de Swynnertona Philippo Noel Roberto de Cotes et aliis