Charter Document - 05190523
| Charter Number: | 05190523 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1293 |
| Date type: | Assigned |
| Resource Link(s): |
|
Charter:
Sciant presentes et futuri quod nos Rogerus de Meulond permissione divina Coventr et Lych episcopus dedimus concessimus et hac presenti carta confirmavimus Willelmo de Freford novem acras terre regales et unam rodam de wasto nostro de Fisserwikewode cum suis pertinentiis iacentes inter terram Hugonis de Tynmore ex parte una in latitudine et terram magistri Ade de Walton canonici ecclesie Lych ex altera quam habent in eodem wasto habendum et tenendum de nobis et successoribus nostris libere quiete bene et in pace imperpetuum reddendo inde annuatim nobis et successoribus quatuor solidos et septem denarios argenti et obolum ad terminos in manerio de Longedon statutos pro omnibus servitiis secularibus consuetudinibus et demandis salvo forinseco servitio domini regis Et nos Rogerus episcopus antedictus et successores nostri predictas novem acras terre et unam rodam cum suis pertinentiis predicto Willelmo et successoribus suis contra omnes gentes warantizabimus acquietabimus et defendemus imperpetuum In cuius rei testimonium huic presenti scripto sigillum nostrum presentibus est appensum Hiis testibus Willelmo de Thamenhorn Petro de Collecet Thoma de Hulton Iohanne de Corson Roberto de Croxsell et aliis