Charter Document - 05190521
| Charter Number: | 05190521 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1279 |
| Date type: | Internal, A.D., Feast |
| Resource Link(s): |
|
Charter:
Notum sit omnibus has litteras visuris vel audituris quod cum Rogerus de Meuland Coventren et Lich episcopus Henricum de Eynkerdon filium Roberti de Eynkerdon de duabus partibus duorum mesuagiorum et duarum virgatarum terre exceptis duodecim acris et Feliciam matrem dicti Henrici de tertia parte duorum mesuagiorum et duarum virgatarum terre et Willelmum fratrem dicti Henrici de novem acris terre cum pertinentiis in Eynkerdon in comitatu Stafford per breve quod vocatur precipe in capite in curia domini regis coram iustitiariis de banco anno regni regis Edwardi septimo inplacitasset et dicta Felicia predictum Henricum in dicta curia qui eidem warantizavit in warantum vocasset ita inter predictum dominum episcopum et predictum Henricum die Dominica qua cantatur quasimodo geniti apud Heywode anno predicto amicabili compositione convenit videlicet quod predictus dominus episcopus de consensu et voluntate capitulorum suorum Coventr et Lich concessit remisit et quietum clamavit de se et successoribus suis et ecclesiis suis predictis predicto Henrico et heredibus suis pro homagio et servitio suo totum ius et clameum quod habuit vel habere potuit in predictis mesuagiis et virgatis terre cum pertinentiis tenendum et habendum dicto Henrico et heredibus suis de predicto domino episcopo et successoribus suis et ecclesiis suis predictis in feodo et hereditate libere quiete et pacifice cum omnibus libertatibus aysiamentis et communis ad dicta mesuagia et terram spectantibus imperpetuum reddendo inde annuatim dicto domino episcopo et successoribus suis viginti solidos argenti ad quatuor anni terminos videlicet ad festum sancti Iohannis baptiste quinque solidos et ad festum sancti Michaelis quinque solidos et ad festum sancti Andree apostoli quinque solidos et ad festum sancte Marie in Marcio quinque solidos et faciendo servitium quarte partis unius feodi militis et sectam curie de Eccleshale a tribus septimanis in tres septimanas et certa servitia debita et consueta Pro hac autem concessione remissione et quieta clamatione dedit predictus Henricus predicto episcopo viginti marcas argenti pre manibus et reddidit concessit remisit et quietum clamavit de se et heredibus suis predicto domino episcopo et successoribus suis et ecclesiis suis predictis homagium et servitium Ricardi Chavernes et Alicie uxoris sue et heredum suorum de tota terra cum pertinentiis suis quam de dicto Henrico tenuerunt in manerio de Sugenhull et quicquid iuris vel clamei idem Henricus habuit vel habere potuit in piscaria aque de Kockmere et etiam omnia alia ut in homagiis servitiis releviis wardis et escaetis et quibuscumque rebus aliis que ad dictum Henricum vel heredes suos infra feodum de Sogunhull aliquo modo iure hereditario pertinere accidere vel evenire poterunt inperpetuum Et predictus episcopus et successores sui predicta dua messuagia et dictas virgatas terre cum pertinentiis dicto Henrico et heredibus suis per predicta servitia contra omnes gentes warantizabunt acquietabunt et defendent imperpetuum In cuius rei testimonium predictus episcopus et capitula sua predicta et predictus Henricus alternis scriptis in modum cirographi confectis sigilla sua apposuerunt Hiis testibus domino Radulpho de Hengham fratre Nicholao priore sancti Thome martiris iuxta Staffordiam Dominis Willelmo de Cavereswelle Willelmo Bagod Philippo de Mutton Gilberto de Kyrkeby Radulpho de Burgo Roberto de Pype et aliis