Charter Document - 05190518
| Charter Number: | 05190518 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1293 |
| Date type: | Internal, Regnal, Feast |
| Resource Link(s): |
|
Charter:
Cum venerabilis pater dominus Rogerus permissione divina Coventr et Lych episcopus reddiderit et concesserit Rogero de Engelfeud filio et heredi Willelmi de Engelfeud omnes terras et tenementa que dictus pater habuit ad terminum vite sue ex dimissione predicti Willelmi habenda predicto Rogero de Englefeud et heredibus vel assignatis suis de capitalibus Dominis feodorum per servitia inde debita et consueta et reddendo inde annuatim predicto patri ad totam vitam eiusdem patris quinquaginta libras sterlingorum ita quod liceat predicto patri predicta tenementa ingredi et distringere per omnia catalla in eisdem tenementis inventa vel ea tenementa ad totam vitam suam rehabere et retinere pro voluntate sua si predictus Rogerus de Englefeud vel heredes sui in dicta solutione defecerint prout per quoddam scriptum dicti domini episcopi inde confectum plenius apparet ac dominus Philippus de Hoyvile miles proponens Iohannam filiam suam dicto Rogero de Englefeud maritare dederit dicto patri pro maritagio dicti Rogeri ducentas marcas argenti ita convenit inter predictos dominos episcopum ex una parte et Philippum ex altera quod si contingat predictum Rogerum de Englefeud in fata decedere superstite dicto domino episcopo et heredem infra etatem habere per quod domini feodorum illorum intrent feoda sua et nomine custodie dicta tenementa teneant ita quod dictus dominus episcopus non possit dicta tenementa distringere ad dictum redditum suum recuperandum nec dicta tenementa ingredi secundum formam et vim scripti pretacti concedit dictus dominus Philippus et firmiter promittit quod ex tunc pro illa parte dictorum tenementorum de qua continget dictam filiam suam nomine dotis habere seysynam solvet dicto domino episcopo ad terminum vite sue annuatim tertiam partem redditus predicti scilicet sexdecim libras tresdecim solidos et quatuor denarios ita tamen quod si contingat dictam Iohannam in fata decedere dicto domino episcopo superstite ex tunc cesset solutio totius redditus annui supradicti In cuius rei testimonium sigilla dictorum episcopi et Philippi presenti scripto indentato alternatim sunt appensa Dat apud Crokesl die veneris proxima post festum sancti Andree apostoli anno regni regis Edwardi filii regis Henrici vicesimo secundo Hiis testibus Dominis Willelmo de Bereford Willelmo Wace Thoma Dauvers Galfrido de Turkevile milite Gilberto Pynzun Gilberto de Molsham Willelmo de Frollebyr Ricardo de Aula de Waultham sancti Laurentii Iohanne de la Bore et aliis