Charter Document - 05190517

Omnibus Cristi fidelibus presens scriptum visuris vel audituris Rogerus permissione divina Coventr et Lych episcopus salutem in Domino sempiternam Noveritis universitas vestra nos reddidisse et concessisse Rogero de Englefeud omnes terras et tenementa cum omnibus suis pertinentiis que habuimus ex dimissione Willelmi de Englefeud patris predicti Rogeri ad terminum vite nostre in Englefeud Tylehurst Sylhamstede Abbatis Sylhamstede Banastre Shyplak et Lachebrok ut in mesuagiis terris Dominicis homagiis releviis heriettis redditibus servitiis eschaetis boscis pratis pascuis pasturis villenagiis villanis et eorum sequelis piscariis molendinis cum omnibus aliis suis pertinentiis habenda et tenenda sibi et heredibus suis vel suis assignatis de capitalibus Dominis feodorum illorum per servitia inde debita et consueta et reddendo inde nobis annuatim ad totam vitam nostram quinquaginta libras sterlingorum ad duos anni terminos scilicet ad Pascha unam medietatem et ad festum sancti Michaelis alteram medietatem per equales portiones Et preterea concessimus eidem Rogero quod omnes terre et tenementa que Willelmus de Baylol et Alicia uxor sua mater dicti Rogeri tenent nomine dotis ipsius Alicie de hereditate prefati Rogeri et que ad nos post mortem ipsius Alicie reverti deberent tenenda ad terminum vite nostre integre revertantur et remaneant eidem Rogero et heredibus vel assignatis suis habenda et tenenda de capitalibus Dominis feodorum ut supradictum est simul cum omnibus aliis tenentibus que eidem Rogero reddidimus reddendo inde nobis annuatim undecim libras quindecim solidos et quatuor denarios per equales portiones terminis supradictis Et si ita contingat quod predictus Rogerus et heredes vel assignati sui vel etiam quicumque terras illas tenuerint in solutionem dicti redditus in aliquo termino defecerint quod absit extunc liceat nobis tenementa predicta ingredi et distringere per omnia catalla in eisdem tenementis inventa et districtionem illam tenere quousque de arreragiis simul cum dampnis et expensis si que habuerimus vel apposuerimus ad perquirendum predictum redditum nobis plenarie fuerit satisfactum vel quod possimus pro electione nostra tenementa ingredi et ea in pace tenere ad totam vitam nostram absque contradictione vel impedimento predicti Rogeri de Englefeud vel heredum suorum vel aliorum quorumcumque In cuius rei testimonium presenti scripto sigillum nostrum fecimus apponi Dat apud Crokesle die veneris proxima post festum beati Andree apostoli anno regni regis Edwardi filii regis Henrici vicesimo secundo Hiis testibus Dominis Willelmo de Bereford Willelmo Wace Thoma Dauvers Gilberto Pinzin Gilberto de Molsham Willelmo de Frollebyr Ricardo de Aula de Waltham sancti Laurentii Rogero le Petit Iohanne de la Bere et aliis