Charter Document - 05190497
| Charter Number: | 05190497 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1293 |
| Date type: | Internal, A.D. |
| Resource Link(s): |
|
Charter:
Exellentissimo domino suo domino Edwardo Dei gratia illustri regi Angl domino Hybn et duci Aquitann R eiusdem permissione Coventr et Lych ecclesiarum minister successus semper ad pia vota prosperos et felices Vestra sciat exellentia quod cum nuper coram iustitiariis vestris apud Salop itinerantibus Walterus de Plesche clericus fuisset super latrocinio octo librarum argenti de bonis Hamonis le Sermoner irretitus ac nobis per libertatem ecclesiasticam liberatus idem Walterus super crimine latrocinii huiusmodi coram nobis canonice se purgavit Propter quod dominationem vestram humiliter requirimus et rogamus quatinus vicecomiti vestro Salop dare dignemini vestris litteris in mandatis quod bona ipsius Walteri que hac occasione detinet occupata sibi faciat liberari et quod eidem hoc pretextu non inferat seu inferri permittat in rebus aut persona ali qualem molestiam vel gravamen Valeat dominatio vestra temporibus diuturnis Dat apud Ecclesh idus Martii anno Domini MCC nonogesimo secundo