Charter Document - 05190493
| Charter Number: | 05190493 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1293 |
| Date type: | Internal, A.D., Calendar |
| Resource Link(s): |
|
Charter:
Exellentissimo domino suo domino Edwardo Dei gratia illustri regi Angl domino Hybn et duci Aquitann R eiusdem permissione Coventr et Lych ecclesiarum minister successus semper ad pia vota prosperos et felices Vestra sciat exellentia quod cum nuper coram iustitiariis vestris apud Lancastr itinerantibus Ricardus de Cotum clericus fuisset de morte Willelmi le Paumer interfecti irretitus ac nobis per libertatem ecclesiasticam liberatus idem Ricardus super crimine homicidii huiusmodi coram nobis canonice se purgavit Propter quod dominationem vestram humiliter requirimus et rogamus quatinus ministris vestris dare dignemini in mandatis quod bona ipsius Ricardi que hac occasione detinent occupata sibi faciant liberari et quod eidem hoc pretextu non inferant seu inferri permittant in rebus aut persona ali qualem molestiam vel gravamen Valeat dominatio vestra temporibus diuturnis Dat apud Brewode xvi kalendas Februarii anno Domini MCC nonogesimo secundo