Charter Document - 05190490
| Charter Number: | 05190490 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1292 |
| Date type: | Internal, A.D., Calendar |
| Resource Link(s): |
|
Charter:
Exellentissimo domino suo domino Edwardo Dei gratia illustri regi Angl domino Hibn et duci Aquitann R eiusdem permissione Coventr et Lych ecclesiarum minister successus semper ad pia vota prosperos et felices Cum monasterium beate Marie de Kenelwrth fuisset per mortem fratris Ricardi quondam prioris eiusdem pastoris solacio destitutum ac canonici eiusdem loci fratrem Robertum de Salle concanonicum eorundem in priorem nunc elegerint et pastorem nos electionem eandem de eo factam et nobis presentatam auctoritate pontificali confirmavimus et ipsum prefecimus priorem et pastorem ecclesie memorate administrationem spiritualium committentes eidem Quod vestre exellentie tenore presentium intimamus ut quod vestra intererit in hac parte exequatur ulterius vestra dominatio reverenda In cuius rei testimonium vobis litteras nostras transmittimus has patentes Valeat et vigeat vestra regia dignitas in eternum Dat apud Ichynton quarto nonas Septembris anno Domini MCC nonogesimo secundo