Charter Document - 05190484
| Charter Number: | 05190484 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1291 |
| Date type: | Internal, A.D. |
| Resource Link(s): |
|
Charter:
Excellentissimo domino suo domino Edwardo Dei gratia regi Anglie illustri domino Hybernie et duci Aquitannie Rogerus eiusdem permissione Coventr et Lechefeld ecclesiarum minister successus semper ad pia vota prosperos et felices Noverit excellentia vestra quod Iohannes de Abyndon qui se gerit pro rectore ecclesie de Sutham nostre dyoecesis maioris excommunicationis sententia existit innodatus in qua per quadraginta dies et amplius perseverans adhuc incorrigibilis exstat claves ecclesie dampnabiliter contempnendo Quocirca dominationi vestre supplicamus humiliter et devote quatinus eundem ad satisfaciendum Deo et ecclesie secundum regni vestri consuetudinem regia potestate dignemini cohercere Valeat dominatio vestra temporibus diuturnis Datum apud Ichinton tertio idus Iulii anno Domini MCC nonagesimo primo