Charter Document - 05190479
| Charter Number: | 05190479 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1290 |
| Date type: | Internal, A.D. |
| Resource Link(s): |
|
Charter:
Excellentissimo domino suo domino Edwardo Dei gratia illustri regi Anglie domino Hybernie et duci Aquitannie Rogerus eiusdem permissione Coventr et Lych ecclesiarum minister successus semper ad pia vota prosperos et felices Noverit excellentia vestra quod Willelmus de Honneswrth nostre dyoecesis culpis suis exigentibus sententia excommunicationis innodatus existit in qua per quadraginta dies et amplius perseverans adhuc incorrigibilis extat claves ecclesie dampnabiliter contempnendo Quocirca dominationi vestre supplicamus humiliter et devote quatinus eundem ad satisfaciendum Deo et ecclesie secundum regni vestri consuetudinem regia potestate dignemini cohercere Valeat dominatio vestra temporibus diuturnis Datum apud Kensynton idus Maii anno Domini millesimo CC nonagesimo