Charter Document - 05190474
| Charter Number: | 05190474 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1289 |
| Date type: | Internal, A.D. |
| Resource Link(s): |
|
Charter:
Excellentissimo domino suo domino Edwardo Dei gratia illustri regi Anglie domino Hybernie et duci Aquitannie Rogerus eiusdem permissione Coventr et Lych episcopus salutem et successus semper ad pia vota prosperos et felices Noverit excellentia vestra quod Walterus rector ecclesie de Patyngham Thomas dictus Corpyun de Mercynton Willelmus de Esseby in eadem Willelmus dictus Oweyn de eadem Stephanus Croce de Morton bercarius Rogerus molendinarius de Aston iuxta Burmyngham et Iohannes de Wonere clericus in comitatu Stafford nostre dyoecesis culpis suis exigentibus sententia excommunicationis innodati existunt in qua per quadraginta dies et amplius perseverantes adhuc incorrigibiles extant claves ecclesie dampnabiliter contempnendo Quocirca dominationi vestre supplicamus humiliter et devote quatinus eosdem ad satisfaciendum Deo et ecclesie secundum regni vestri consuetudinem regia potestate dignemini cohercere Valeat dominatio vestra temporibus diuturnis Datum apud Tachebrok idus Iulii anno Domini millesimo ducentesimo octogesimo nono