Charter Document - 05190471
| Charter Number: | 05190471 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1289 |
| Date type: | Internal, A.D., Calendar |
| Resource Link(s): |
|
Charter:
Exellentissimo domino suo domino Edwardo Dei gratia illustri regi Angl domino Hybn et duci Aquitann R eiusdem permissione Coventr et Lych ecclesiarum minister salutem et successus semper ad pia vota prosperos et felices Cum nuper ecclesia canonicorum de Roucestr nostre dyocesis per mortem fratris Roberti quondam abbatis eiusdem loci fuisset abbatis solacio destituta ac canonici eiusdem ecclesie fratrem Rogerum de Luttebur concanonicum suum canonice et concorditer in abbatem elegissent et nobis tanquam loci dyocesano electionem eandem presentassent petentes humiliter et devote ut eam vellemus auctoritate pontificali confirmare nos tanquam rite factam eand[em] iustitia exigente confirmavimus et eundem Rogerum preficientes in abbatem eiusdem ecclesie et pastorem et administrationem in spiritualibus concessimus eidem Quod vestre exellentie tenore presentium intimamus ut quod vestra intererit in hac parte exequatur ulterius vestra dominatio reverenda In cuius rei testimonium vobis litteras nostras transmittimus has patentes Valeat et vigeat vestra regia dignitas in eternum Dat apud Eccleshale xiiii kalendas Aprilis anno Domini millesimo ducentesimo octogesimo octavo