Charter Document - 05190468
| Charter Number: | 05190468 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1288 |
| Date type: | Internal, A.D., Calendar |
| Resource Link(s): |
|
Charter:
Exellentissimo domino suo domino Edwardo Dei gratia illustri regi Angl domino Hybn et duci Aquit R eiusdem permissione Coventr et Lych ecclesiarum minister successus semper ad pia vota prosperos et felices Noverit exellentia vestra quod Robertus le Espenser de Longa Ichynton presbiter nostre dyocesis in comitatu Warr culpis suis exigentibus sententia excommunicationis innodatus existit in qua per quadraginta dies et amplius perseverans adhuc incorrigibilis extat claves ecclesie dampnabiliter contempnendo Quocirca dominationi vestre supplicamus humiliter et devote quatinus eundem ad satisfaciendum Deo et ecclesie secundum regni vestri consuetudinem regia potestate dignemini cohercere Valeat dominatio vestra temporibus diuturnis Dat apud Heywode iiii kalendas Iunii anno Domini millesimo ducentesimo octogesimo octavo