Charter Document - 05190451
| Charter Number: | 05190451 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1285 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo domino Edwardo Dei gratia illustri regi Angl domino Hibn et duci Aquit R eiusdem permissione Coventr et Lich ecclesiarum minister successus semper ad pia vota prosperos et felices Noverit excellentia vestra quod Robertus de Lummyholes Willelmus Wen Willelmus Fychet Iohannes Copehod Ioce le Plummer et Henricus Travers layci nostre diocesis in comitatu Lanc culpis suis exigentibus sententia excommunicationis existunt innodati in qua per quadraginta dies et amplius perseverantes adhuc incorrigibiles extant claves ecclesie damnabiliter contempnendo Quocirca dominationi vestre supplicamus humiliter et devote quatinus eosdem ad satisfaciendum Deo et ecclesie secundum regni vestri consuetudinem regia potestate dignemini cohercere Valeat dominatio vestra temporibus diuturnis Dat apud Staney iii nonas Augusti anno Domini millesimo ducentesimo octogesimo quinto