Charter Document - 05190435
| Charter Number: | 05190435 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1282 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo domino Edwardo Dei gratia regi Angl domino Hybn et duci Aquitt R eiusdem permissione Coventr et Lych ecclesiarum minister humilis successus semper ad vota prosperos ac felices Noverit excellentia vestra quod cum Ricardus de Brocton clericus nostre dyocesis super crimine latrocinii nuper diffamatus et incarceratus nobis per iustitiarios vestros liberatus extiterit ecclesiastico iudicio condempnandus vel etiam absovendus idem clericus de crimine sibi imposito accusatore legittimo nemine comparente licet publica super hoc proclamatio precesserit canonice se purgavit Hinc est quod excellentie vestre regie supplicamus quatinus restitutionem sibi fieri iubere velitis bonorum suorum per ballivos vestros huiusmodi pretextu criminis detentorum Valeat dominatio vestra semper in Domino Ihesu Cristo Dat apud Tachebrok ii nonas Iulii anno Domini MCCLXXX secundo