Charter Document - 05190434
| Charter Number: | 05190434 |
|---|---|
| Cartulary Title: | Coventry and Lichfield 1258-1295 Volume 44 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1282 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo domino Edwardo Dei gratia regi Anglie domino Hibernie et duci Aquitannie Rogerus eiusdem permissione Conventr et Lich ecclesiarum minister successus semper ad vota prosperos et felices Noverit excellentia vestra quod magister Robertus de Dechek laicus nostre dioecesis in comitatu Derb culpis suis exigentibus sententia excommunicationis innodatus existit in qua per quadraginta dies et amplius perseverans adhuc incorrigibilis extat claves ecclesie contempnendo Quocirca dominationi vestre supplicamus humiliter et devote quatinus ipsum ad satisfaciendum Deo et ecclesie secundum regni vestri consuetudinem regia potestate dignemini cohercere Datum apud Sallowe xiiii kalendas Iulii anno Domini MCC octogesimo secundo